پەیکەری فەرماندەی پێشووی فەیلەقی قودس سەربە سوپای پاسداران، قاسم سولەیمانی لە پارێزگای چوارمەحاڵ و بەختیاری رۆژئاوای ئێران سوتێندرا.
بەگوێرەی سەرچاوەکانی هەواڵ لە ئێران، دوێنێ لە شاری شەهریکورد سەنتەری پارێزگای چوارمەحاڵ و بەختیاری، پەیکەری قاسم سولەیمانی لەلایەن چەند کەسێکی نەناسراوەوە سوتێندراوە.
محەمەد عەلی نیکونام، نوێنەری عەلی خامنەیی لەو پارێزگایە، کاردانەوەی بەرامبەر ئەم کارە نیشان دا و دژبە ئەمریکا و ئیسرائیل لێدوانی دا.
فەرماندەی پێشووی فەیلەقی قودس سەربە سوپای پاسدارانی ئێران، قاسم سولەیمانی لە سێی کانوونی دووەمی ٢٠٢٠دا لەسەر بانگێشتی سەرۆکوەزیرانی پێشووی عێراق، عادل عەبدولمەهدی سەردانی عێراقی کرد و لە دوای گەیشتنی لە ئۆپەراسیۆنێکی ئەمریکادا لە نزیک فڕۆکەخانەی نێودەوڵەتیی بەغدا کوژرا.
