مانچسته‌ریۆنایتد ده‌رفه‌تێكی تر به‌ گادۆن سانشۆ ده‌دات

سامان زاهیر 01/06/2022 - 10:53 بڵاوکراوەتەوە لە وه‌رزش

راپۆرته‌ رۆژنامه‌وانیه‌كان له‌ ئینگلته‌را ئاماژه‌ بۆ ئه‌وه‌ ده‌كه‌ن یانه‌ی مانچسته‌ریۆنایتد ده‌رفه‌تێكی تر به‌ گادۆن سانشۆ ده‌دات.
سانشۆی ته‌مه‌ن 21 ساڵه‌ له‌ هاوینی رابردوو له‌ بروسیادۆرتمۆند په‌یوه‌ندی به‌ مانچسته‌ریۆنایتد كرد به‌ڵام پێچه‌وانه‌ی پێشبینیه‌كان نه‌یتوانی ئاستی پێشبینی كراو پێشكه‌ش بكات و توشی ره‌خنه‌ی زۆر هاته‌وه‌.
به‌گوێره‌ی رۆژنامه‌ی تیلیگرافی به‌ریتانی كارگێری یانه‌ی مانچسته‌ریۆنایتد متمانه‌ی به‌ سانشۆ هه‌یه‌ ئاستی خۆی به‌ده‌ست بهێنێته‌وه‌ له‌ژێر سه‌رپه‌رشتی راهێنه‌ری هۆڵه‌ندی تین هاگ.
دوای ئه‌وه‌ی مانچسته‌ریۆنایتد گرێبه‌ستی له‌گه‌ڵ تین هاگ واژوو كرد، متمانه‌ی به‌ سانشۆ كرده‌وه‌ بگه‌رێته‌وه‌ ئاستی خۆی، له‌هه‌مان كات متمانه‌ی به‌ ماركۆس راشفۆرد كرده‌وه‌ بگه‌رێته‌وه‌ ئاستی خۆی پاش ئه‌وه‌ی له‌وه‌رزی رابردوو ئاستی ئه‌ویش دابه‌زی بوو.