به‌ڤیدیۆ.. ساتی روودانی بوومەلەرزەکەی ئیزمیر

31/10/2020 - 17:21 بڵاوکراوەتەوە لە جیهانی

دیجیتاڵ میدیای سپێده‌

وه‌زیری ته‌ندروستیی توركیا، فه‌خره‌دین كۆجا رایگه‌یاند كه‌ له‌ ئاكامی بوومه‌له‌رزه‌كه‌ی ئیزمیر كه‌ ناوه‌نده‌كه‌ی ناوچه‌ ده‌ریایییه‌كانی شارۆچكه‌ی سه‌فه‌ریهیسار بوو له‌ پارێزگای ئیزمیر ٢٨ كه‌س گیانیان له‌ده‌ست داوه‌.

وه‌زیری ته‌ندروستیی توركیا، فه‌خره‌دین كۆجا له‌ هه‌ژماری فه‌رمیی خۆی له‌ تویته‌ر له‌باره‌ی بوومه‌له‌رزه‌كه‌ی دوێنێی ئیزمیر'ه‌وه‌ زانیاری نوێی بڵاو كرده‌وه‌.

فه‌خره‌دین كۆجا نووسیوویه‌تی: "ئاكامی بوومه‌له‌رزه‌كه‌ی ئیزمیر ٢٨ كه‌س گیانیان له‌ده‌ست داوه ‌٢٤٣ برینداربووش هێشتا چاره‌سه‌ری پزیشكی وه‌رده‌گرن كه‌ حه‌وتیان له‌ ژێر چادێری چڕی پزیشكدان و ره‌وشی ته‌ندروستیی سێیانیان باش نییه‌. چوار نه‌شته‌رگه‌ری دیكه‌یش به‌ سه‌ركه‌وتووانه‌ ئه‌نجام دراون. هه‌روه‌ها ٦٤٢ كه‌سیش چاره‌سه‌ری پزیشكییان وه‌رگرتووه‌. ته‌واوی تیمه‌ په‌یوه‌ندیداره‌كانمان له‌خۆبردووانه‌ به‌رده‌وامن له‌ ئه‌نجامدانی ئه‌ركه‌كانیان".

ڕەنگاڵە