سوودان.. رووخانی دەیان خانوو بەهۆی لافاو لە پارێزگای ر‌وژهەڵاتی نیل

04/08/2020 - 15:02 بڵاوکراوەتەوە لە جیهانی

دیجیتاڵ میدیاى سپێده‌

لە ئەنجامی دروستبوونی لافاو لە گوندی نەزیلە سەربە پارێزگای رۆژهەڵاتی نیل سنووری ویلایەتی خەرتوم ناوەڕاستی سوودان، دەیان خانوو رووخان.

ئافرەتێكی نیشتەجێی گوندی نەزیلە بە ناوی سەعدییە ئادام كە بەهۆی لافاوەكەوە زیان بەر خانووەكەی كەوتووە بۆ ئاژانسی ئانادۆڵ قسەی كرد و گوتی: "لە رۆژی هەینیی رابردووە، باران بارینی بەخۆر و لافاو، گوندەكەمانی گرتووەتەوە كە بەهۆیەوە دەیان خانوو رووخاون".

هەروەها كەسێكی دیكەی نیشتەجێی گوندەی نەزیلە بە ناوی عەلی جومعە بۆ ئاژانسی ئانادۆڵو گوتی: "بەهۆی باران بارینی بەخوڕ و دروستبوونی لافاو لە گوندەمان، زیانێكی زۆرمان بەركەوتووە".

پێشتر وەزارەتی ناوخۆی سوودان رایگەیاندبوو كە لە سەرەتای مانگی رابردووە باران بارینی بەخوڕ و لافاو ژمارەیەك ناوچەی سوودانی گرتەوە كە بەهۆیەوە پێنج كەس گیانیان لەدەستداوە و سێ كەسی دیكەیش برینداربوون، هەروەها دوو هەزار و 382 خانوویش رووخاون.