ئەمڕۆ پەرلەمانی عێراق كۆبوویەوە، لە كۆبوونەوەكەدا یاسای خاوەن پێداویستی تایبەتی هەمواركردەوە.
دارا سێكانیانی ئەندامی ئەنجومەنی نوێنەرانی عێراق لە فراكسیۆنی یەكگرتوو بە سپێدەی راگەیاند: ئەمڕۆ ئەنجومەنی نوێنەران یاسای ژمارە 38 ی ساڵی 2013 خاوەن پێداویستی تایبەتی هەمواركردەوە.
دارا سێكانیانی ئەوەشی وت: بەگوێرەی هەموارەكە مووچەی بەخێوكەری خاوەن پێداویستی تایبەت لە 170 هەزار دینارەوە دەبێتە 250 هەزار دینار.
ئەمە لە كاتێكدایە كە زیاتر لە 10 ساڵە لە هەرێمی كوردستان مووچەی مووچەخۆران بە گشتیی و خاوەن پێداویستی تایبەتیش لە نێویاندا لەلایەن حكومەتی هەرێمی كوردستانەوە بە تەواوەتی نادرێت.
