دیجیتال میدیا سپێدە:
راپەرینا زانكویێن ئەمریكا ژپێناڤ غەززە دەم بو دەمی بەرفرەهتر دبیت، ل ئەمریكا گەهشتیە زانكەیا (ماك گێل) ل كەنەدا، پشتەڤانیا خۆ بۆ گەلێ فەلەستینێ دەنە دیاركرن و گرەڤگرتن راگەهاندیە.
ل زانكویا (ماك گێل) قوتابیان لافیتە بلند كرینە و لسەر نڤیساندینە، رێكێ نادەین زانكویێن مە ببنە بەشەك ژ جینوسایدێ، داخاز دكەین: پشتەڤانی ل گەلێ فەلەستینێ بهێتەكرن.
ل هەمبەر حەرەمێ زانكویێ ل باژارێ (مونتریال) یا كەنەدی، قوتابیان چادر هەلداینە بو پشتەڤانیا گەلێ فەلەستینێ، داخازێ ل زانكویا خو دكەن: وەبەرهێنانا دارایی دگەل وان كومپانیان راگرن یێن پشتەڤانیێ ل هێرشێن ئسرائیلێ دكەن بو سەر غەززە.
هەر چەندە قوتابیێن زانكویا (ماك گێل) ل شوباتا رابوری وەرە گرەڤگرتن ل خوارنێ راگەهاندیە وەك پشتەڤانیەك بو خەلكێ غەززە كو توشێ سیاسەتا برسیكرنێ كرینە.
ل روژا 18ێ ڤێ هەیڤێ قوتابیێن زانكویا كولومبیا ل ئەمریكا گرەڤگرتن راگەهاند و خوپیشاندان بو گەلێ فەلەستینێ دەستپێكر، بڤێ ژی روژ ب روژێ ل زانكویێن ئەمریكا پشتەڤانی بو گەلێ فەلەستینێ زێدەتر دبیت و داخازا راگرتنا جینوسایدكرنا گەلێ غەززە دهێتەكرن.
