دیجیتال میدیا سپێدە:
نەتەوەیێن هەڤگرتی رادگەهینیت: هژمارەكا ئەو سڤیلێن ژبەر شەرێ ئوكرانیا ـ رووسیا هاتینە كوشتن بو 10 هزارو 703 كەسان بلندبوو.
دگوتارەكێدا محەمەد خالد خەیری جێگرێ سكرتێرێ گشتیێ نەتەوەیێن هەڤگرتی بو كاروبارێن روژهەلاتا ناڤەراست و ئاسیا، دلگرانیا خو ل هەمبەر رەوشا ئوكرانیا دا دیاركرن ژبەر زێدەكرنا شەری بو سەر چەند دەڤەرەكێن سڤیل.
خەیری گوتژی: سوپایێ رووسیا وێرانكاریەكا زور ل وان گوندو و قەزا و باژاران ئەنجامداینە، یێن ل پێشڤەچوناندا دەست بسەردا گرتینە.
تەكەزكر: ئەڤە پێشێلكاریەكا زەق یا یاسایێن نێڤدەولەتیە، گوتژی: شەرێ ئوكرانیا یابویە ئەگەرێ كوشتنا 10 هزارو 703 سڤیلان، ژوانا 549 زاروكن، 20 هزارو 146 كەس ژی برینداربووینە. هەروەسا ئیدانا هەر هێرشەكێ دكەین بو سەر جهێن سڤیلان و ژێرخانا سڤیلان.
