دیجیتال میدیا سپێدە:
زێدەباری هایداریێن نێڤدەولەتی لدور ئەگەرێ هێرشا عەردی بو سەر دوماهی نافچەیا كەرتێ غەزە یا فەلەستین بو ئاوارە بووین، دێ دەرئەنجامێن دژوار لێ پەیدابن، سەروك وەزیرێن دەولەتا زایۆنی بەردەوامە ل سەر داخویانیێن خو لدور ب ئارمانجگرتنا پارێزگەها رەفەح.
ناتانیاهۆی پەیاما ئەنجامدانا هێرشا زەمینی ژبو سەر رەفەح ددەت و رادگەهینیت: هەتا بدەستڤە ئینانا سەركەفتنا تەمام دێ شەری كەین و ئەڤە ژی ل پشتی دانا رێكێ ب وەلاتیێن سڤیل ژبو چولكرنا نافچەیێ دێ ئوپەراسیونەكا سەربازیا ب هێز ل رەفەح برێڤەچیت.
هەرچەندە ژمارەیەكا زور ژ وەلاتان و رێكخراوێن نێڤدەولەتی دناڤ واندا ژی نەتەوێن ئێكگرتی هایداریێ ددەنە دەولەتا زایۆنی ژهێرشا زەمینی ژبو سەر رەفەح یا ئاوارێن فەلەستینی ل كەرتێ غەززە پەنا بو بری دێ دەرئەنجامێن دژوار لێ پەیدابن، و داخاز ل دەولەتا زایۆنی كریە وازێ ل وێ هێرشێ بینیت و پەشیمان ببیت وئەنجام ژی نەدەت.
بەری دەستپێكا هێرشێن سوپایێ زایۆنی ژبو سەر كەرتێ غەززە، پارێزگەها رەفەح یا دكەڤیتە سەر سنورێ مسرێ، نزیكی 280 هزار كەس تێدا دژیان، ل پشتی هێرشێن 7ی چریا ئێكێ یا 2023ی،َ ژ سەرجەمێ نزیكی دوو ملیۆن و 300 هزار ئاكنجیێن كەرتێ غەززە، ئێك ملیۆن و 900 هزار كەس ژی ئاوارە بوون.
بەشێ زور ژ ئاوارێن فەلەستینی چوینە باژێرێ رەفەح یا بەری نوكە دەولەتا زایۆنی ب نافچەیەكا ئارام بناڤبری، دگەل ژمارا وان كەسێن ل باكورێ كەرتی چوینە رەفەح، ژمارا ئاكنجیێن پارێزگەها رەفەح چوار جاران هند زێدەتر بویە وگەهشتیە ئێك ملیۆن و 400 هزار كەسان.