دیجیتال میدیا سپێدە:
لگورەی راپورتەكا دەستا كاروبارێن ژنان ل نەتەوێن هەڤگرتی ل پشتی 7 ئوكوبتەرا سالا بووری ل هەر دەمژمیرەكێ دا 2 دەیك ل كەرتێ غەزە دهێنە كوشتن و 10 هزار زاروكان ژی دەیبابێن خۆ ژ دەستداینە.
دەستەیا كاروبارێن ژنان ل نەتەوەیێن هەڤگرتی ئاشكراكرییە: هژمارا وان فەلەستینیێن لڤی شەریدا هاتینە شەهیدكرن سێ جارا زێدەتر ژ وان توندوتیژیێن ناڤبەرا ئیسرائیل و فەلەستیینیان د هەیاما 15 سالێن بوری روداینە.
راگەهاندیە ژی: نزیكی 25 هزار كەس ل غەزە شەهیدبوینە و سەدێ 70 ژن و زاروكن و دەمەكی دا ناڤبەرا سالا 2008 تا ئوكتوبەرا 2023 رێژا كوشتنا ژن وزاروكان گەهشتیە كێمتر ژ سەدێ 14 روویدانێن توندوتیژیێ دناڤبەرا ئیسرائیل و فەلەستنیێدا.
دەستەیا كاروبارێن ژنان ئاماژە بڤێ ژی كر: ئەو كەسێن ل غەززە هاتینە شەهیدكرن ژمارە نینن و ڕەخنێ ئاراستەی بەرپرسێن ئیسرائلی دكەت كو بنپێكارییەكا زوور ل كەرتێ غەززە ئەنجامدایە ل پشتی 7 ئوكتوبەرێ د هەر دەمژمێرەكێ دا 2 دەیك ل غەززە گیانێ خۆ ژ دەست ددەن و 10 هزار زارۆك ژی بێ دەیباب دبن.
