دیجیتال میدیای سپێده
بەڕێوەبەرایەتی پۆلیسی سۆران ئه‌مڕۆ سێشه‌ممه رایگه‌یاند، هێزه‌كانی پۆلیسی سۆران دوو هاوڵاتیان ده‌ستگیركردوه، كه هه‌ولی فێڵكردن و دزینی پاره‌یان له دوكاندارێك له‌ناو بازاڕی سۆران داوه.
بەڕێوەبەرایەتی پۆلیسی سۆران ڕایگەیاند، "لەناو بازاری سۆران دوو هاوڵاتی بەڕەگەز ئێرانی ده‌ستگیركران كه لەرێگەی فێل کردن بری (1500)هەزار و پێنج سەد دۆلاری ئەمریکی و (1000000)یەک ملیۆن دیناری عراقیان لەدوکاندارێک دزی".
به‌رێوبه‌رایه‌تیه‌كه ئه‌وه‌یشی خسته روو "دوای ئاگادارکردنەوەی نوسینگەی نەهێشتنی تاوانی سۆران، به‌دواداچونیان ده‌ستپێكرد و هه‌ردوو هاوڵاتیه‌كه ناسرانه‌وه و شوێنی ماناوەیان دیاریكرا کە لەقەزای شەقلاوە نیشتەجێبون".
بەڕێوەبەرایەتی پۆلیسی سۆران باسی لەوەشکرد، "بەهاوکاری بنکەی پۆلیسی شەقلاوە شەوی رابردوو هه‌ردوو تۆمه‌تباره‌كه دەستگیرکران، دەرکەوت کەسێکی دیكه‌شیان لەگەڵدا بوە و ئه‌ویش ده‌ستگیركراوه".
ئاماژه‌ی به‌وه‌شكرد،" له‌كاتی ده‌ستگیركردنی تۆمه‌تباره‌كاندا دەستگیراوه بەسەر برێک پارەو وهەندێ کەل وپەلی تر ولەئێستادا تۆمەتباران بەبریاری دادوەر راگیراون و لێکۆڵینەوە لەگەڵیان بەردەوامە".
