دیجیتال میدیا سپێدە:
وەزارەتا پلاندانانا عیراقێ هەیڤا چریا دوویێ یا بهێت وەك دەمێ ئەنجامدانا سەرژمێریا گشتی یا ئاكنجی و جهێن ئاكنجیبوونێ ل سەرانسەری وەلاتی دا راگەهاند.
محمد تمیم وەزیرێ پلاندانانا عیراقێ ژبو روژنامەیا سەباح یا نیمچە فەرمی راگەهاندیە: ئەنجامدانا پروسا سەرژمێریا گشتی ل عیراقێ بتنێ شەش هەیڤ ماینە، بریارە ل رۆژا 20ی چریا دوویێ یا بهێت برێڤەبچیت، وگوت: هێشتا كارێن زور ماینە ئەنجام بدەین.
تەمیم راگەهاند ژی: د پروسێ دا 120 هزار كارمەند دێ كاركەن و دگەل وەزارەتا پەروەردێ رێكەفتن كریە ژبو بەرهەڤكرنا ماموستا و كادرێن پەروەردەیی.
تەمیم خویاكریە: بەرهەڤی ژبو قوناغا ژمارە لێدان و جوداكرنێ، دەمێ دوو هەیڤان پێدڤیە، بەری ئەنجامدانا سەرژمێریێ ب دوو هەیڤان دێ برێڤەچیت. وگوت ژی: پشتی تەمامبوونێ ژی دێ بیتە ئێكەم سەرژمێریا گشتی ل عیراقێ ب رەنگێ ئەلیكترونی برێڤەبچیت، وچێدبیت ژی ببیتە دوماهی سەرژمێریا گشتی ل عیراقێ وئێدی وەلاتی پێدڤی ب سەرژمێریێن دی نابیت.