دیجیتال میدیا سپێدە:
ژێدەرەكێ سیاسی هایدار بو میدایێن عیراقی راگەهاندیە: كوتلێن سەركەفتی یێن جڤاتا پارێزگەها كەركوكێ گەهشتینە رێكەفتنێ لسەر دیاركرنا سەروكێ حكومەتا خوجهی و سەروكێ جڤاتا پارێزگەهێ و هەمی پوستێن دی هەیاكو رێڤەبرنا باژێری ب هەڤبەشی بهێـەكرن.
وی ژێدەری راگەهاندیەژی: كوتلێن سەركەفتی گەهشتینە رێكەفتنەكا دەستپێكی لسەر دانانا پارێزگارێ كەركوكێ و هەروەسا سەروكێ جڤاتا پارێزگەهێ.
دوپاتی لڤێ ژی كریە: پشتی ڤەگەریانا سودانی ل واشنتون كوتلێن سەركەفتیێن كەرگوكێ كومبونەكا ئێكلایی كەر و گرنگ دگەل سەروك وەزیرێن عیراقێ دێ ئەنجامدەن دەربارێ دانانا پارێزگارێ كەركوكێ و راگەهاندنا پێك ئینانا جڤاتا پارێزگەهێ لگورەی بنەمایێ رێڤەبرنا هەڤبەش و بێی ئیهمالكرنا هیچ پێكهاتەكێ كو بەشدارببیت ل حكومەتا خوجخهی دا.
ل 18 كانونا ئێكەما 2023 ل پایرَ.گەها كەركوكێ ئێكەم هەلبژارتنا خوجهی هاتە ئەنجامدان كو داوی جار ل سالا2005 هاتبو كرن لێ تانها حكومەتا خوجهی و پوستێن بلندێ، باژێری ئێكلایی نەبوینە و ناكوكی لسەرە ،، محمد شیاع سوودانی سەرۆك وەزیرانی عێراقێ ژی چەندین كومبون دگەل پێكهاتە و لایەنێن باژێری ل بەغدا ئەنجامداینە ل پێخەمەت راگەهاندنا حكومەتاخوجهی.
