دیجیتال میدیا سپێدە:
وەزیرێ نەفتا عیراقێ لدور پرسا دەستپێكرنا هنارتنا نەفتا هەرێما كوردستانێ راگەهاند: بو دەستپێكرنا سەر ژنوی هنارتنا نەفتا هەرێما كوردستانێ بو دەرڤە، دنوكەدا دانوستانان دگەل هەرێمێ ئەنجامددەین.
حەیان عەبدولغەنی وەزیرێ نەفتا عیراقێ لدەمێ بەشداریكرن ل هەڤدیتنا نێڤدەولەتیا بەغدا لدور دەستپێكرنا هنارتنا نەفتێ، عەبدولغەنی راگەهاند: ژبەركو سروشتێ گرێبەستێن كومپانیێن دەرخستنا نەفتێ ل هەرێما كوردستانێ جودانە دگەل سروشتێ گرێبەستێ كومپانیێن نەفتی یێن وەزارەتا نەفتا حكومەتا عیراقی سەرپەرشتیێ دكەت، دنوكەدا مژویلی دانوستانانە دگەل وان كومپانیێن بو نویكرن و راستڤەكرنا گرێبەستا هنارتنا نەفتا هەرێمێ.
عەبدولغەنی راگەهاند: حكومەتا عیراقێ پلان هەیە بو بەرهەمئینانا گازێ ل كێلگەها نەفتیا عیراق دوو، گوتژی: مە گرێبەستێن زور باش هەنە بو دوماهیك ئینان ب سوتنا گازێ و ل پاشەروژێدا دێ كێلگەهێن نوی ڤەكەین و بەرهەمئینانا وێ لدەمێ دوو بو سێ هەیڤێن بهێت دێ زێدەتر كەین.
ل 25ێ ئادارا 2023وەرە، هنارتنا نەفتا هەرێما كوردستانێ برێیا بوریان بو بەندەرێ جەیهان هاتیە راگرتن، ئەڤەژی پشتی دادگەها ناڤبژیوانیا پاریس بریار دایی هنارتنا نەفتێ بێی زڤڕین بو بەغدا، نا دەستورییە.
