بڕیاره‌كه‌ی ئۆپیك به‌های نه‌وت له‌ جیهاندا به‌رز ده‌كاته‌وه‌

خوبه‌یب گه‌ردی 05/12/2022 - 09:43 بڵاوکراوەتەوە لە جیهانی

دیجیتال میدیای سپێده‌

دوای ئه‌وه‌ی وڵاتانی هه‌نارده‌كاری نه‌وت (ئۆپیك) بڕیاریاندا ئاستی هه‌نارده‌ی نه‌وت به‌جێگیری بهێڵنه‌وه‌، ئه‌مڕۆ نرخی نه‌وت زیاتر له‌ سه‌دا 2 به‌رزبوه‌وه‌ .

ئه‌مڕۆ دوای كردنه‌وه‌ی بازاڕه‌كان نرخی نه‌وت به‌رزبوویه‌وه‌و،نرخی نه‌وتی خاوی برێنت گه‌یشته‌ (87) دۆلار و (41) سه‌نت، ئه‌وه‌ش به‌راورد به‌ڕۆژانی ڕابردوو نزیكه‌ی سێ دۆلار به‌رزبووه‌ته‌وه‌.

هاوكات، نرخی نه‌وتی خاوی ته‌كساسیش به‌ (81) دۆلار و (62) سه‌نت مامه‌ڵه‌ی پێوه‌ ده‌كرێت..

به‌رزبوونه‌وه‌ی نرخی نه‌وت دوای ئه‌وه‌ هات رۆژی یه‌كشه‌ممه‌ هاوپه‌یمانیی وڵاتانی هه‌نارده‌كاری نه‌وت (ئۆپێك) و وڵاتانی به‌رهه‌مهێنه‌ری نه‌وت له‌نێویاندا رووسیا كه‌ به‌ ئۆپێك پڵه‌س ناسراوه‌، بڕیاریدا ئاستی به‌رهه‌مهێنانی نه‌وت وه‌ك خۆی بهێڵێته‌وه‌ و گۆڕانكاریی تێدا نه‌كات كه‌ بریتییه‌ له‌ كه‌مكردنه‌وه‌ی 2 ملیۆن به‌رمیل له‌ رۆژێكدا كه‌ بڕیاره‌كه‌ له‌ مانگی رابردووه‌ چووه‌ته‌ بواری جێبه‌جێكردنه‌وه‌ و تاوه‌كو كۆتایی ساڵی داهاتوو كاری پێده‌كرێت.

ئه‌مه‌ له‌كاتێكدایه‌، له‌سه‌ره‌تای هه‌ڵگیرسانی شه‌ڕی ئۆكرانیا و روسیا، قه‌یرانی كه‌می نه‌وتی خاو له‌جیهاندا سه‌ریهه‌ڵدا و، نرخی نه‌وت به‌شێوه‌یه‌كی به‌رچاو به‌رزبوه‌وه‌ وهه‌ر به‌رمیلێك (130) دۆلاری تێپه‌ڕاند.