دیجیتال میدیای سپێده
رێكخراوى گه‌شه‌پێدانى قوتابینى كوردستان، داوا له‌وه‌زاره‌تى خوێندنى باڵا وتوێژینه‌وه‌ى زانستى حكومه‌تى هه‌رێم ده‌كات ماوه‌ى كارابوونى سیسته‌مى زانكۆ لاین درێژتر بكاته‌وه.
له‌راگه‌یاندراوێكدا، رێكخراوى گه‌شه‌پێدانى قوتابیانى كوردستان ئاماژه‌ى به‌وه‌كردوه: له‌به‌ر ئه‌وه‌ى زۆرێك له‌قوتابیان فۆرمه‌كانیان پڕنه‌كردۆته‌وه، ئێمه له‌ڕێكخراوی گه‌شه‌پێدانی قوتابیانی كوردستان داواكارین له‌وه‌زاره‌تى خوێندنى باڵاو توێژینه‌وه‌ى زانستى، ماوه‌ی كارابوونی سیسته‌می زانكۆلاین بۆ (48)كاتژمێری تردرێژبكرێته‌وه.
راشیگه‌یاندوه: له‌لای قوتابیان وخوێندكاران ئاشكرایه كه‌سیسته‌مه‌كه له‌به‌ربوونی لۆد و كێشه‌ی ته‌كنیكی وچه‌ندین جاریش نمره‌ی قوتابیانی تێكه‌ڵكردووه( كه‌م وزیاد) كردووه وتا ئێستاش زۆرێك له‌قوتابیان فۆڕمه‌كانیان پڕنه‌كردۆته‌وه.
ئاماژه‌ى به‌وه‌شكردوه: بۆ ئه‌وه‌ی قوتابیان مافیان نه‌فه‌وتێت و ڕه‌نج وماندووبوونی چه‌ندین ساڵه‌یی خوێندنیان به‌فیڕۆنه‌ڕوات، خوازیارین ماوه‌ی كارابوونی سیسته‌می زانكۆلاین له‌به‌ر به‌رژه‌وه‌ندی قوتابیان درێژبكه‌نه‌وه
