کاتێک بێ بیرکردنەوە و بە خێرایی بەلای ڕووداوو کارەساتی غەززەو فەڵەستیندا تێدەپەڕیت ، ناحەقت نیە شێواوو تێکەڵ هەڵسەنگاندن بۆ دۆخەکە بکەیت ، چونکە لەلایەک لەناو ئەو ئازارو مێژووە داگیرکاریەدا نەژیاویت و نەت چەشتووە ، لەلایەکی تر چێژت لەو ئیمانە ڕاستەقینەو زانیاریت لەو هۆشیاریە پڕ لە هیمەت و ئیرادەو ورەبەرزیە نەبووەو نیە ،
بەڵام کەمێک ڕامان و وەستان و بەدواچوون بکەیت ، ئیتر هیچ نەبێت دەتوانیت کەمێک ووردتر بدوێیت و بنوسیت و هەڵوێست دەرببڕیت ،
بۆیە وەک سەرنج و هەندێک زانیاری چەند پێش چاوڕوونیەک دەنوسم
ـ بەپێی زانیاری هەواڵگریەکانی بزوتنەوەی بەرگری ئیسلامی لەغەززە زانرابوو کە اسرائیل بەهۆی خۆنمایش کردنە فریودەریەکانی حەماس کە لاوازو بێ هێز دەردەکەوت ، پلانێکی هەمەلایەنەی نێودەوڵەتی و هەرێمایەتی بەتەنسیق لەگەڵ سەرانی سەرمەست و سەرخۆشی عەرەب لەئایندەیەکی نزیکدا دانابوو ، کە بە بێ دەنگ و بێ هیچ کاردانەوەیەک کەرتی غەززە کۆنترۆڵ بکات و ئەوەشی ناڕازیە بیگوازێتەوە بۆ (بیابانەکانی سینا) لەمیصر ، بەڕەزامەندی حکومەتی خۆسەپێنی میسر ئۆردوگایەکی زۆرە ملێیان بۆ دروست بکات ،
بۆیە پاش خۆنمایشە فریودەرەکەی (ح م ا س ) بەپێی پلانێکی سەربازی و فیداکارانە و پڕلە گیان بەخشی شکستێکیان بەسەر جولەکەی داگیرکاردا هێنا ، کە هەتا مێژوو هەیە ئەو شکستە لەبیرناکات و ئەو ترسەی چووە دڵ و دەروونی جولەکە ساڕێژ نابێت ،
خەڵکی خۆڕاگری غەززە ئەم دۆخەی ئێستاو زۆۆر لەمەش خراپتریشی لەبەردەم دابوو بە بێ دەنگیش جێبەجێ دەکرا ، بۆیە ئەم داستان و خەبات و قوربانیدانەی پێ باشترە لەوەی بەزەلیلی و زۆرەملی ووڵاتی خۆی چۆڵ بکات ....
ـ ئەم جوڵە سەرسوڕهێنەرە هاوپەیمانێتی هەرێمی و نێودەوڵەتی نێوان اسرائیل و هەموو ووڵاتانی لێک ترازاند و هەڵیوەشاندەوە و بەتایبەت جموجوڵ و لێکترازانێکی چاوەڕوان نەکراوی لەپەیوەندیەکانی سەرانی عەرەب لەگەڵ اسرائیلی داگیرکەر دروست کرد ،
ـ گەلان و میللەتانی دونیا لەووڵاتانی عەرەب و ئەوروپی و ئەمریکی و گەل و نەتەوەکانی تریش بەخەبەرهاتن و لە نامرۆڤی و وەحشیگەری جولەکەی داگیرکەر هەڵوێستیان وەرگرت و خەبات و تێکۆشانی خەڵکی خۆڕاگری غەززەو دۆزە ڕەواکەی بردە قۆناغێکی تر ..
ـ ئەم گەردەلولە بۆ هەموو جیهانی سەلماند کە سەهیۆنیەت ئەو شەبەح و فۆبیا ترسناک و کاریزما گەورە نیە کە خەڵک وای لێ دەڕووانی کەئەمانە بە خوای سەر ئەرزیان دادەنان ، بەڵکو بێ ئیمکانیەتترین و بێ کەرەستە ترین هێزی سەربازی لەجیهاندا توانی هەموو سنورو کەرامەت و وجودی بشکێنێت ..
ـ ئەم خەبات و گیان فیداییە توانی دۆزەکەی خۆی لە کۆتایی پێ هێنانێکی بێدەنگ و حەتمی ، بکات بەسەرکەوتن و دۆڕانیش بۆ دوژمنەکەی ....
ـ پانزە ڕۆژە دوژمنی شکستخواردوو دەتلێتەوە بەدەم ئەم ئازارەوە ، بەڵام نەیتوانیوە هەنگاوێک پێشڕەوی بکات ، چونکە دەزانێت چ هێزێکی خاوەن بیروباوەڕ لەبەردەمیدایەو چۆن لەپشتەوە بۆی دێتەوە ، بۆیە هەرهەنگاوێک بڕواتە پێشەوە درزی شکستەکەی ئەوەندەی تر گەورە دەکات و بەیەکجاری ئابڕووی دەچێت ....
ـ ئەم تۆفانە زۆر دۆست و هاوبیرو هاوکاری جولەکەی بۆ خستینە ڕوو ، بۆ خەڵک و جەماوەرەکەش ڕوون بوویەوە دۆستانی جولە تا کوێ هاتوون ، ئیتر پێویست ئەکات باش لەهەموو میمبەرو ڕەوت و فکری ناتەدروست و ڕادیکاڵ و توندڕەو تێ بگەن ،
ـ درۆزنی و دۆستایەتی زلهێزانیش دەرکەوت و ڕووی ڕاستەقینەیان ڕوون بویەوە و ماسکی درۆینەیان کەوت ..
ـ کەرتی غەززە لەناوگەمارۆیەکی جیهانی دابوو کە کۆی ژیانی ئاسایی خەڵکەکەی لەڕووی هەژاری و تەندروستی خۆشگوزەرانیەوە لەمەترسی دابوو ، تائاستی مەرگ و لەناوچوونی هێواشی بەکۆمەڵ ، بەهۆی زەلیلی ووڵاتانی عەرەب و ستەمکاری جولەکەی داگیرکەرو هاوپەیمانەکانیەوە گەمارۆی تەواو درابوو ، ئەم ئۆپەراسیۆنە هەموو ئەو ئەگەرو مەترسیە جەماعیەی کەمکردەوە .....
ـ دۆزی قودس و (ئەقسا) دۆزی هەموو گەلانی موسڵمان و ئازادی خوازانی جیهانە ، بۆیە ئەم دۆزەش بەتەواوی زیندوو بویەوە
دیارە ئەم هەموو ئەگەرانە پێویستی بەخوێن و خەبات و گیان بەخشین هەیە ، بۆیە بەهەموویانەوە ئەم ئیختیارەیان هەڵبژاردوو تائەم چرکە ساتەش لەژێر ئاگرو ئاسندا هەر دەڵێن خۆڕاگرین (حسبناالله ونعم الوکیل )چۆک دانادەین گیان دەبەخشین بەڵام بەسەربەرزی ...
