دیجیتال میدیا سپێدە:
ئەندامەكێ كوتلا یەكگرتوو ل پەرلەمانێ عیراقێ ئاشكراكریە: لدور بریارەكا دادگەها فیدرالیا عیراقێ كاركرن ب یاسایا ژمارە 27 یا سالا 2006 تایبەت ب یاسا خانەنشینیێ هاتیە هەلوەشاندن، پێدڤیە كێمترین موچێ خانەنشینیێ ل هەرێما كوردستانێ ژ 200 هزاران ژبو 550 هزار دیناران بێتە زێدەكرن.
دارا سێكانیانی ئەندامێ كوتلا یەكگرتوو وهەڤدەم ئەندامێ لژنا یاسایی ل پەرلەمانێ عیراقێ راگەهاند: لدور دەستوری بریارێن دادگەها فیدرالی ئێكلاكەرن وهیچ لایەنەكی ژی مافێ تانە لێدانێ نینە و پێدڤیە هەمی ژی پێڤە دپابەند بن.
سێكانیانی ئاماژە كریە: لدور بریارەكا دادگەها فیدرالی یاسا خانەنشنینا راستڤەكری یا ژمارە 27 یا سالا 2006 یا ل هەرێما كوردستانێ كار پێدهێتە كرن هاتیە هەلوەشاندن، د هەمبەردا حكومەتا كاربرێكەرا هەرێمێ هاتیە راسپاردن پێدڤیە كاری ب یاسا ژمارە 9 یا سالا 2014 یا خانەنشینا ئێكگرتیا عیراقێ بكەت.
سێكانیانی خویاكریە: لدور وێ یاسایێ كێمترین موچێ خانەنشنیێ پێكهاتیە ژ 200 هزار دیناران، لێ لدور یاسا خانەنشینینا عیراقێ كێمترین موچێ خانەنشینیێ پێكدهێت ژ 550 هزار دیناران، لەورا پێدڤیە هەردوو حكومەتێن عیراق وهەرێم پابەند بن ب بریارا دادگەها فیدرالی وجێبەجێ بكەن وموچەیێن خانەنشینێن هەرێمێ وەكهەڤی یێن عیراقێ لێ بهێن.