ديجيتال میدیا سپێدە:
هولەكا كونسێرتان ل موسكویا پایتەختێ رووسیا، بو ئارمانجا هێرشەكا چەكداری، زێدەری 100كەسان گیانێن خو ژدەستداینە و 100 كەسێن دیژی بریندارن و داعش ژی بەرپرسیارەتی ل ستویێ خوڤە گرت.
ئاژانسا ئاسایشا فدرالیا روسیا راگەهاندیە: ل هێرشەكا تیرورستیدا بو سەر هولەكا كونسێرتان ل كاركوس ستی، 115 كەسان گیانێن خوژدەستداینە و 100 كەسێن دیژی بریندارن.
ماریا زاخارۆڤا پەیڤدارا وەزارەتا بەرەڤانیا روسیا سەرباری ئاماژەكرن ب هێرشەكا وەك هێرشەكا تیرورستی، تەكەزكر: پێدڤیە هەموو جیهان ڤان جورە هێرشان وەك هێرشەكا تیرورستی تەماشە بكەت.
زاخارۆڤا راگەهاند: هێرشا تیرورستی لبەر چاڤێن هەموو جیهانێ هاتە ئەنجامدان، ب دژواری شەرمزار دكەین وتەكەزێ دكەین: بو رزگاركرنا خەلكی، دێ پێكولێن مە بەردەوامبن.
لبارا هێرشا چەكداری، دەزگەهێ ئاسایشا فیدرالیا رووسیا راگەهاندیە: لدور ئامارێن دەستپێكێ، ل هێرشێدا 115 كەس هاتینە كوشتن و زێدەتری كەسان ژی بریندارن. ژلایێ خوڤە چەكدارێن داعشێ ئەو هێرش ژستویێ خوڤە گرت و راگەهاندیە: چەكدارێن مە ل موسكویا پایتەختێ رووسیا، ئەو هێرش ئەنجامدایە.
ژلایێ خوڤە، ئەلێكساندر بۆتنیكۆڤ، سەروكێ دەزگەهێ ئاسایشا فیدرالیا روسیا راگەهاند: 11 تیرورست دەستەسەركرینە و چوار ژوان راستەوخۆ بەشداری دهێرشا سەر موسكۆ دا كریە.
