گرنگترین مانشێتەکان

سه‌روكێ سه‌ركردایه‌تیا یه‌كگرتوو: پێتڤی یه‌ دئێك رێزبین داكو بگه‌هینه‌ هه‌می مافێن خو گرنگ

سه‌روكێ سه‌ركردایه‌تیا یه‌كگرتوو: پێتڤی یه‌ دئێك رێزبین داكو بگه‌هینه‌ هه‌می مافێن خو

بهه‌لكه‌فتا هاتنا نه‌وروز وسه‌رسالا كوردی یا نویی سه‌روكێ سه‌ركردایه‌یتا یه‌كگرتوویی ئیسلامی كوردستان په‌یامه‌ك ئاراسته‌ی كوردێن هه‌می جیهانێ كر و داخاز ژ لایه‌نێن سیاسی كر كو لسه‌ر مێزا دانوستاندنان دانیشن و هه‌می كێشه‌ و ئالوزیان ب دوماهیك بینن.

 

ئه‌ڤه‌ژی ده‌قێ په‌یامێ

ب هه‌لكه‌فتا هاتنا نه‌وروز و سه‌رسالا كوردی ل هه‌می خه‌لكێ كوردستانێ و هه‌می كوردێن جیهانێ پیروزبیت ژ خودایێ مه‌زن د خازم كو سالا نویی ببیته‌ سالا ئاشتی و ئازادی و سالا سه‌ربه‌خوبونێ بیت . ب ڤێ هه‌لكه‌فتا پیروز ژ هه‌می لایه‌نێن سیاسی داخازدكه‌م كو لسه‌ر مێزا دانوستاندنان دا دانیشن و كێشه‌ و ئالوزی یێن ناڤبه‌را خودا ب دوماهیك بینن و وه‌لاتی ژ ڤان كێشه‌ و نه‌هامه‌تیان رزگاربكه‌ن .

یاخویایه‌ كو د هه‌یڤا ئادارێ دا گه‌له‌ك بیره‌وه‌ریێن خوش و نه‌خوش گه‌لێ مه‌ یێن تێدا هه‌ین ژبه‌ر ڤێ چه‌ندێ یا گرنگه‌ كو ئه‌م د ڤێ ئادارێ و سه‌رسالێ دا هیڤی و ئومێدان بو وه‌لاتیان چێكه‌ین و ڤان قه‌یرانان ب دوماهیك بینین و دئێك رێزبین داكو بگه‌هینه‌ هه‌می مافێن خو و سه‌ربه‌خوبونێ .

وه‌كو یا دیار كو د سالێن بوری دا داعش مه‌ترسیه‌كا مه‌زن بو لسه‌ر هه‌رێما كوردستانێ و ده‌ڤه‌رێ لێ ب ئانه‌هیا خودێ و ب زه‌ندك و باسك و هێزا پێشمه‌رگه‌هێن قه‌هره‌مان و ب هاریكاری یا هێزێن نیڤ ده‌وله‌تی ئه‌ڤ گروپێ هوڤانه‌یێ به‌ره‌ڤ نه‌مانێ دچیت و شاره‌زا و سیاسه‌ت مه‌دار هه‌می پێش بینیێ دكه‌ن كو د قوناغا بهێت دا دێ گورانكاریێن مه‌زن دروست بن له‌وما یا پێتڤی یه‌ ئه‌م كێشه‌یێن خویێن نافخویی بده‌ینه‌ لایه‌كی و به‌رژه‌وه‌ندیێن مله‌تی و وه‌لاتیان بده‌ینه‌ به‌رچاڤێن خو و گه‌شتیا گه‌لێ كورد كو چه‌ند ساله‌ ب رێڤه‌یه‌ به‌ره‌ڤ كه‌نارێن ئارام ببه‌ین.

 

برایێ هه‌وه‌ سه‌عید عه‌لی عه‌بو

سه‌روكێ سه‌ركردایه‌یتا یه‌كگرتوویی ئیسلامی كوردستان

20/3/2017