گرنگترین مانشێتەکان

هه‌ڵه‌بجه‌ له‌ گه‌رمیان له‌ دایك بوو گرنگ

هه‌ڵه‌بجه‌ له‌ گه‌رمیان له‌ دایك بوو

دیجیتاڵ میدیاى سپێده‌

سەرلەبەیانی ئەمڕۆ كە هاوكاتە لەگەڵ ساڵیادی كیمیابارانی هەڵەبجە، هاوسەری تاقانەیەكی ئەنفال منداڵی بوو، وەكوو هاوخەمییەك بۆ هەڵەبجە منداڵەكە ناونرا هەڵەبجە.

حەسەن فەرەج، تاقانەی ئەنفال و باوكی منداڵەكە ڕایگەیاندووه‌:" سەرلەبەیانی ئەمڕۆ 16/3/2017 كە هاوكاتە لەگەڵ تێپەڕبوونی 29 ساڵ بەسەر تاوانی كیمیابارانی هەڵەبجەدا، هاوسەرم لە نەخۆشخانەی شەهید شێرەی نەقیب لە شاری كەلار، كچێكی بوو پاش ڕاوێژ لەگەڵ خۆی و كەسوكارەكەی ناومان لێنا هەڵەبجە، وەكوو هاوخەمییەك بۆ ئەو شارە شەهیدە ".

ئاماژه‌ى به‌وه‌شكردووه‌:" هەموو ساڵێك بەشداریم كردووە لە مەراسیمەكانی ساڵیادی تاوانی هەڵەبجەدا، بەڵام ئەمڕۆ بەهۆی ئەنجامدانی نەشتەرگەری بۆ هاوسەرم نەمتوانیوە بەشداریی یادەكە بكەم، بۆیە لەڕێگەی ناونانی منداڵەكەم بە هەڵەبجە وەفای خۆمان بۆ هەڵەبجە و هەڵەبجەییەكان دەربڕی ".

ناوبراو بۆ باسنیوز وتووشیه‌تى:" بڕیارمان دا منداڵی داهاتووشمان ناو بنێنیە ئەنفال بۆ ئەوەی ئەو كارەساتانەی بەسەر گەلەكەماندا هاتوون لە بیری نەوەی نوێ نەچنەوە ".

فۆتۆ: محه‌مه‌د فه‌ر یق