نۆ یانه‌ له‌ ئینگلته‌را پیلان گێڕیان دژی مانچسته‌رسیتی ئه‌نجامداوه‌

سامان زاهیر 29/07/2020 - 15:11 بڵاوکراوەتەوە لە هەواڵی وەرزشی جیهانی

ڕاپۆرته‌ رۆژنامه‌وانیه‌كان له‌ به‌ریتانیا ئاشكرای ده‌كه‌ن حه‌فت یانه‌ له‌ ئینگلته‌را هه‌وڵیانداوه‌ سزاكه‌ی سه‌ر یانه‌ی مانچسته‌رسیتی كه‌ له‌لایه‌ن یویفا به‌سه‌ری سه‌پێندرابوو هه‌ڵنه‌گیرێت.
له‌ نێوان یانه‌كان لیڤه‌رپولی پاڵه‌وان و مانچسته‌ریۆنایتدی ڕكابه‌ری و چێڵسی و ئه‌رسناڵ و تۆتنهام هه‌بوون.
یویفا بریاریدابوو به‌بێ به‌ش كردنی یانه‌ی مانچسته‌رسیتی بۆ دوو وه‌رز له‌ خوله‌كانی ئه‌وروپا و سزادانی به‌بڕی 27 ملیۆن جونه‌یهی ئسته‌رلینی ئه‌و سزایه‌ش له‌ شوباتی ڕابردوو به‌سه‌ر یانه‌كه‌ سه‌پێندرابوو به‌هۆی ئه‌وه‌ی گوایه‌ یانه‌كه‌ یاسای دارایی یاری پاكی پێشێك كردووه‌.
به‌ڵام مانچسته‌رسیتی تانه‌ی له‌ بڕیاره‌كه‌داو له‌ مانگی رابردوو دادگای كاسی جیهانی سزاكه‌ی سه‌ر یانه‌ی مانچسته‌رسیتی هه‌ڵوه‌شانده‌وه‌و ته‌نها به‌ نۆ ملیۆن جونه‌یهی ئسته‌رلینی سزای دا.
دادگا به‌ڵگه‌نامه‌یه‌كی 92 لاپه‌ڕه‌یی بڵاو كرده‌وه‌ له‌سه‌ر دۆسیه‌كه‌ی سیتی، تیایدا ئه‌و هۆكارانه‌ی ئاشكرا كردووه‌ كه‌ یویفا سه‌ركه‌وتوو نه‌بووه‌ له‌ به‌ڕاست دانانی ئه‌و تۆمه‌تانه‌ی ئاڕاسته‌ی سیتی كراون.
له‌ به‌ڵگه‌نامه‌كان كه‌ رۆژنامه‌ی سه‌نی به‌ریتانی بڵاوی كردۆته‌وه‌ نزیكه‌ی نیوه‌ی یانه‌ به‌شدار بووه‌كانی پرێمه‌رلیگ نامه‌یان ئاڕاسته‌ی دادگای كاس كردووه‌و داوایان كردووه‌ سزاكه‌ی سه‌ر سیتی هه‌ڵنه‌گرێت.
هه‌ریه‌ك له‌ یانه‌كانی بێرنلی و لیسته‌رسیتی و نیوكاسڵ یۆنایتد و ولفرهامبتۆن و لیڤه‌رپول و مانچسته‌ریۆنایتد و چێڵسی و ئه‌رسناڵ و تۆتنهام داوایان كردووه‌ سزاكه‌ی سه‌ر سیتی به‌رده‌وام بێت و هه‌ڵنه‌گیریچت.
له‌ به‌یانێك ئه‌و نۆ یانه‌یه‌ له‌ نۆی ئارزای 2020 داوایان له‌ دادگا كردووه‌ نابێت سزاكه‌ی سه‌ر سیتی هه‌ڵگیرێت .
سه‌ره‌رای ئه‌وه‌ی یانه‌كانی ئینگلته‌را له‌دژی بوون به‌ڵام سیتی توانی به‌ره‌نگاری سه‌رجه‌م پیلان گێرییه‌كان ببێته‌وه‌و متمانه‌ی ته‌واوی هه‌بوو كه‌ هیچ یاسایه‌كی پێشێل نه‌كردووه‌و نۆ دادوه‌ری نارده‌ دادگا بۆ ئه‌وه‌ی به‌رگری له‌ دۆسیه‌كه‌ی بكه‌ن و له‌كۆتایشدا توانی سه‌ركه‌وتن به‌ده‌ست بهێنێت و شكستی به‌ پلانی ئه‌و نۆ یانه‌ی ئینگلته‌راش هێنا كه‌ دژی وه‌ستانه‌وه‌.