هه‌ولێر له‌ ئه‌نجامه‌ خراپه‌كانی به‌رده‌وامه‌ و به‌ قوه‌ی جه‌ویه‌ دۆرا

بۆتان عومه‌ر 16/12/2021 - 16:53 بڵاوکراوەتەوە لە وه‌رزش

لە خولی نایابی یانەكانی عێراق هەولێر لە ئەنجامە خراپەكانی بەردەوامەو لە م گەڕەش بە یانەی قوەی جەویە دۆرا.
لە گەڕی 13ی خولی نایابی عێراق لەسەر یاریگای یانەی دهۆك یانەی هەولێر پێشوازی لە یانەی قوەی جەویە كرد و یاریەكەشی بە تاكە گۆلێك دۆراند.
بەهۆی سزادانەوە هەولێر یارییەكەی لە دەرەوەی یاریگای خۆی ئەنجامدا و لە خولەكی 33 یاریەكە حمادی ئەحمەد توانی گۆڵی پێشكەوتن بۆ یانەی قوەی جەویە تۆماربكات و گێمی یەكەم بەم ئەنجامە كۆتایی هات.
لە گێمی دووەم هەولێر زۆر هەوڵیدا ئەنجامەكە راست بكاتەوە بەڵام سەركەوتوو نەبوون و یاری بە گۆلێكی بێ‌ وەلام لە سوودی تیپی میوان كۆتایی هات.
بەم سەركەوتنە قوەی جەویە ژمارەی خاڵەكانی بەرزكردەوە بۆ 28 خاڵ و لە پلەی سێیەمی ریزبەندە خاڵەكانی یانەی هەولێریش هەر لە 8 خاڵ مایەوە و پلەی 17مینی ریزبەندی گرتووە , لە ئێستادا یانەی هەولێر لە ناوچەی دابەزینە بۆ ریزی یانە پلەیەكەكانی عێراق.