پشك پشكانێی یه‌كێتی و پارتی له‌ نێو وه‌رزش دووباره‌ ده‌بێته‌وه‌

بۆتان عومه‌ر 28/08/2021 - 18:29 بڵاوکراوەتەوە لە وه‌رزش

یەكێتی تۆپی پێی كوردستان لە بڕیارە سەیرو سەمەرەكانی بەردەوامە بەشێوەیەك، بڕیارەكانی ئەمجارەی لە هیچ خولێك و یاسا و رێكارێك شوێنی نابێتەوە.
دوای گۆرانكارییەكان لە یەكێتی تۆپی پێی كوردستان بە لادانی ستافی پێشووی یەكێتیەكە گۆڕانكاری لەم پۆستە، هیوایەك بۆ وەرزشكاران دروست بوو كە وەرزش لە چەق بەستوی رزگاری دەبێت و چەند هەنگاوێك دەچێتە پێشەوە، بەلام نەك هەر ئەمە نەكرا، بەڵكو بڕیارەكانی ئەو یەكێتیە هێندە مەزهەلەن، سەدەیەك دەمانگەرێنێێتە دواوە بەشێوەیەك كەس حەز بە بیستنی بڕیاری لەم شێوەیەش ناكات، پێشووتر باس لەوە دەكرا ،كە حزب كاریگەری لەسەر یەكێتیەكەهەیە ، بەلام ئێستا نەك كاریگەری هەیە ، بەڵكو حزب یەكێتیەكە بەرێوەدەبات و ئەوانەشی لەو ناوەندە كار دەكەن تەنها بڕیارە كوێرانەكانی سەرووی خۆیان جێ‌ بەجێ‌ دەكەن كە هیچ پەیوەندیان بە وەرزش نیە.
لە دواین كۆبوونەوەی یەكێتیە وەرزشیەكەی پارتی و یەكێتی ، بە بڕیارێك دوو یانەی یەكێتی و دوو یانەی سەر بە پارتی دەگەرێننەوە خولی پلەیەكی كوردستان ئەوانیش یانەكانی (سلێمانی و خانەقین و بەردەرەش و سێمێل)ن.
لە هەمووی سەیر تر ئەوەیە، كە یانەی سلێمانی دوو پلە سەركەوتەوە كە ئەم یانەیە لە هیچ پلەیەكی خولەكانی كوردستان نەماوە ئیتر بە بەر بریارێك بەسەر یانەكانی تر سەركەوت و گەڕایەوە پلەیەك هەروەها یانەی بەردەرەشیش بە پاڵپشتی كەسی حزبی گەڕایەوە پلەیەك كە ئەمەش وەك رێكلامی هەڵبژاردن بەكاردێت.
ئەوەی سەیریشە یانەی خانەقین وەرزی رابردوو لەگەڵ یانەی ئاسۆ بەیەكەوە بۆ پلە دوو دابەزین،بەلام یانەكەی یەكێتی سەركەوتەوە بۆ خولی پلەیەك و ئاسۆش لە شوێنی خۆی مایەوە.
سەیر لەوەیە ئەو سوكایەتیەی بە وەرزشی ئەم هەرێمە دەكرێت، بە دەست كەوت بۆخۆیانی هەژمار دەكەن و بگرە شانازیشی پێوە دەكەن.
ئیتر بۆچی گومانەكان بۆ یاری بە ئەنجامی یارییەكان دروست نین كە بەشێوەیەكی سەیر دەدرێت و بڕیارەكە هێندە حزبیە وەرزشكارانی تەواو بێ‌ هیواكردوووە، رەخنەكانیش تەواوی سۆشیال مێدیای گرتووە هەریەكەو بەشێوەیەك توانج لە بڕیارەكە دەدات.