ژمارەكانی پاریس سان جێرمان و لایبزیگ

بۆتان عومه‌ر 18/08/2020 - 16:04 بڵاوکراوەتەوە لە هه‌واڵی وەرزشی

لەم وەرزەی یانە پاڵەوانەكانی ئەوروپا یانەی پاریس سان جێرمان ئەنجامی زۆر باشی بەدەست هێناوە تا سەركەوتووە بۆ یاری پێش كۆتایی و یەكێكە لە پاڵێوراوەكان بۆ بردنەوەی نازناوەكە، ئەم یانەیە چەندین ژمارەی تۆمار كردووە، لێرەدا ژمارەكان دەخەینە ڕوو.
لەم پاڵەوانێتیە نۆ یاری ئەنجامداوە حەفت بردنەوەو یەك دۆران و یەك بەرامبەری هەیە.
لە قۆناغی كۆمەڵەكان توانی پێنج بردنەوەو یەك بەرامبەر بوون بەدەست بهێنێت و لە قۆناغی 16میش دۆڕانێك و بردنەوەیەكی تۆمار كردووەو بردنەوەیەكیشی لە قۆناغی هەشتەم بەدەست هێناوە.
هێرشبەرانی لە پاڵەوانێتیەكە 22 گۆڵیان تۆمار كردووە، 17 گۆڵ لە قۆناغی كۆمەڵەكان بووەو سێ گۆڵیش لە قۆناغی 16می پاڵەوانێتیەكە و دوو گۆڵیش لە قۆناغی هەشتەم.
هەر لەم پاڵەوانێتیە تەنها پێنج گۆڵی لێ تۆمار كراوە، دوو گۆڵ لە قۆناغی كۆمەڵەكان و دوو گۆڵیش لە قۆناغی16می جامەكە و گۆڵێكیش لەقۆناغی هەشتەم، لە شەش یاری ئەم یانەیە تۆڕی گۆڵەكەی بەپاكی راگرتوە.
گۆڵكاری یانەكە لە پاڵەوانێتیەكە هەریەك لە كیلیان مبابێ و ماورۆ ئیكاردین هەریەكەیان خاوەنی تۆمار كردنی پێنج گۆڵن بۆ ئەم یارییەش هەردوو یاریزان ئامادەن بەشداری بكەن.

ئەوەی تایبەتە بە یانەی لایبزیگی ئەڵمانی ئەنجامەكانی هاوشێوەی پاریس سان جێرمان نەبووە بەڵام توانیویەتی مێژوویەكی گەورە بۆ خۆی تۆمار بكات بە گەیشتن بەیاری پێش كۆتایی جامەكە.
لەم پاڵەوانێتیە نۆ یاری ئەنجامداوە شەش بردنەوەو یەك دۆران و دوو بەرامبەری هەیە.
لە قۆناغی كۆمەڵەكان توانی سێ بردنەوەو دوو بەرامبەر بوون و دۆڕانێك بەدەست بهێنێت و لە قۆناغی 16میش دوو بردنەوەو لە قۆناغی هەشتەمیش بردنەوەیەكی تۆمار كردووە.
هێرشبەرانی لە پاڵەوانێتیەكە 16گۆڵیان تۆمار كردووە، 10 گۆڵ لە قۆناغی كۆمەڵەكان بووەو چوار گۆڵیش لە قۆناغی 16می پاڵەوانێتیەكەو دوو گۆڵیشی لە قۆناغی هەشتەم تۆمار كردووە.
هەر لەم پاڵەوانێتیە تەنها 7 گۆڵی لێ تۆمار كراوە، شەش گۆڵ لە قۆناغی كۆمەڵەكان و گۆڵێكیشی لە قۆناغی هەشتەم لێ تۆمار كراوەو ، لە سێ یاری ئەم یانەیە تۆڕی گۆڵەكەی بەپاكی راگرتوە.
گۆڵكاری یانەكە لە پاڵەوانێتیەكە مارسیل سابیتسەری نەمساییە خاوەنی تۆمار كردنی چوار گۆڵە بۆ ئەم یارییەش ئامادەیە بەشداری بكات.