ئەمەریكا: نیگەرانیەك هەیە سەبارەت بە چالاكیەیان ڕوسیا لەسەر سنووری ئۆكرانیا

رابه‌ر بورهان 03/12/2021 - 22:29 بڵاوکراوەتەوە لە جیهانی

دیجیتاڵ میدیای سپێده‌

جەنەڕاڵێكی باڵای ئەمەریكا وتی ئاماژە و ئاگادارییەكان سەبارەت بە چالاكیە سەربازییەكانی ڕوسیا لەنزیك ئۆكرانیا، وایكردووە " ئەمەریكا نیگەرانیەكی زۆری هەبێت "، هەروەها لێدوانەكانی ڕوسیاش وادەردەكەوێت توندتر بووبێتن.

سەركردەی فەرماندە هاوبەشەكانی ئەمەریكا جەنەڕاڵ مارك مێڵی ڕەتی كردەوە قسە لەسەر جۆری ئەو بژاردانە بكات كە ئەمەریكا لەبەرچاویان دەگرێت ئەگەر ڕوسیا ئۆكرانیا داگیربكات، بەڵام مێڵی جەختی لە گرنگی سەروەری خاكی ئۆكرانیا كردەوە بۆ ئەمەریكا و هاوپەیمانێتی ناتۆ.

وتی " كۆمەڵێك بەرژەوەندی ئاسایشی نیشتیمانی ئەمەریكا و وڵاتانی ئەندام لە هاوپەیمانێتی ناتۆ لەمەترسیدایە ئەگەر ڕوسیا ئەركێكی دوژمنكاری لەدژی وڵاتێك ئەنجام بدات كە لە ساڵی 1991 ەوە سەربەخۆیە."

ئۆكرانیا دەڵێت ڕوسیا زیاتر لە 90,000 سەربازی لەنزیك سنوورەكەی جێگیركردووە. بەڵام مۆسكۆ ڕەتی دەكاتەوە ئامادەكاری بۆ هێرشێك بكات بۆ سەر ئۆكرانیا و بەرگری لە مافەكانی خۆی كردووە بۆ بڵاوكردنەوەی هێز لەسەر خاكەكەی خۆی.