ئیماڕات بۆ كڕینی فڕۆكەی جەنگیی گرێبەستێكی مێژوویی لەگەڵ فەڕەنسا دەكات

رابه‌ر بورهان 03/12/2021 - 21:53 بڵاوکراوەتەوە لە جیهانی

ئیماڕات بۆ كڕینی فڕۆكەی جەنگیی گرێبەستێكی مێژوویی لەگەڵ فەڕەنسا دەكات، كۆشكی ئیلیزێ ڕایگەیاند، ئیماڕات گرێبەستێكی بۆ كڕینی 80 فڕۆكەی جەنگی جۆری "ڕافاڵ" و 12 هێلیكۆپتەری جەنگی جۆری "كاراكاڵ" لەگەڵ فەڕەنسا ئیمزا كردووە.

لای خۆشییەوە "فلۆرانس بارلی" وەزیری جەنگی فەڕەنسا دەڵێت، ئەو گرێبەستە مێژووییە و نرخەكەی 18 ملیار دۆلارە.

ئیمزاكردنی ئەو گرێبەستە دوای سەردانەكەی "ئیمانویڵ ماكرۆن" سەرۆكی فەڕەنسا دێت بۆ دوبەی كە تیایدا لەگەڵ "شێخ محەمەد بن زاید" شازادەی جێنشینی ئیماڕات كۆبووەوە.

بڕیاریشە ساڵی 2024 فەڕەنسا دەست بە دروستكردنی ئەو فڕۆكانە بكات و ساڵی 2027 فڕۆكە جەنگییەكان ڕادەستی ئیماڕات بكات.