دیجیتال میدیای سپێده‌

به‌یانی ئه‌مڕۆ سیاسەتمەداری كورد و سكرتێری پێشووی حیزبی شیوعی عیراق ئه‌مرۆ به‌هۆی ڤایرۆسی كۆڕۆنا له‌ سلێمانی كۆچی دوای كرد

د.هه‌ڤاڵ ئه‌بوبه‌كر، پارێزگاری سلێمانی پرسه‌نامه‌یه‌كی بڵاوكرده‌وه‌ و رایگه‌یاند، بەناوی پارێزگای سلێمانییەوە؛ پرسەو ماتەمینیی و پەژارەی خۆمان بۆ کۆچی دوایی کەسایەتیی سیاسیی و فەرهەنگیی بەڕێز و پێشمەرگەو سەرکردەو تێکۆشەری خەباتی نیشتمانیی و چینایەتیی کوردستان و عیراق؛ مامۆستا بەهادین نوری؛ دەردەبڕین، داواخوازین خودای گەورە ئارامیی بە هەموو لایەکمان ببەخشێت و ڕۆحی بەڕێزیان شادبێت.

بەهادین نوری یەکێکە لەدیارترین ناوەکانی بزوتنەوەی چەپ لە عێراق و کوردستان، لە 11-ی شوباتی 1927 لەگوندی تەکیە سەبە قەزای قەرەداغی پارێزگای سلێمانی لەدایکبوە.

لەساڵی 1946 پەیوەندی بەحزبی شیوعی عێراقییەوە کردوە و بۆ ماوەی چوار ساڵ سکرتێری ئەو حزبە بوە، لەساڵی 1953 دەسەڵاتدارانی سیستمی پاشایەتی عێراق دەستگیریان کردوە و لەدوای شۆڕشی 1958 ئازادکراوە.

بەهۆی ناکۆکی لەگەڵ حزبی شیوعیدا، لەساڵی 1984 ریزەکانی ئەو حزبەی جێهێشتوە و لەدوای راپەڕین گەڕاوەتەوە کوردستان.